[i566]
DE LA VILLE DE PARIS.
555
pris congé desd, seigneurs, ce sont relirez en ceste Ville.
Le lendemain mardi, xxnc dud. moys, fut préparé en Greve une grande piramyde de busches, bour­rées, fagotz et cotterez pour faire feu de joye, au­tour de laquelle les bendes des archers, harquebu-tiers et arbalestriers, conduictz par six trompettes, feirent plusieurs rondes. Et fut publié par l'un des sergens de lad. Ville ce qui s'ensuit :
" A la memoire de l'honneur indicible receu par le Corps de ceste Ville, invité par la Majesté de la Royne, et assistant, le jour d'hier, à S1 Germain-en-Laye, soubz le tiltre tres honnorable de parrain, à la confirmation en la foy de nostre Dieu et com­mutation du nom de tres hault, tres exellent, tres vertueulx et magnanime prince, monseigneur Fran­çois, duc d'Allencon, frere du Roy tres chrestien nostre tres cher souverain et naturel seigneur."
Ce faict, fut mys le feu en lad. pyramide, et tiré plusieurs coups d'artillerye, qui donna au peuple une joye indicible.
"Madame, il nous est impossible vous povoir de­clairer la joye indicible, plaisir et bien advenu à vostre peuple de ceste Ville en tous estatz à cause de l'honneur qu'il a pleu à Vostre Majesté nous faire de nous appeller pour assister en tiltre tres honnorable de parrain à la confirmation en la foy et commutation du nom ct tiltre de monseigneur François, duc d'Allençon, à quoy nous avons satis­faict, selon qu'il vous a pleu nous ordonner.
"Madame, ceste obligation adjouxtée avec infinité d'autres graces etbienfaictz receuz par vostre Ville de Vostred. Majesté nous rendra du tout insolvables, sinon qu'il vous plaise, Madame, prendre en paie­ment ce qui est dc longtemps vostre, noz biens, noz coeurs et voluntez, que nous dédions perpetuelle­ment à l'obeissance de voz commandemens,suplians tres humblement Voslred. Majesté nous accepter et recevoir en vostre sauvegarde et bonne grace.
" Madame, nous supplions le Createur vous donner en parfaicte santé tres longue et tres heureuse vye. De Paris, ce xxiiu8 jour de Janvier 1565. n
Voz tres humbles, tres obéissans subgectz et ser­viteurs, les Prevost des Marchans et Eschevins de la ville de Paris.
DCCXLV. — Lettres de la Royne.
29 janvier i566. (H 1784, fol. 36i r°.)
" Mess™, si vous avez eu contentement de l'honneur que avez receu en la cérémonie de la confirmation de mon filz le duc d'Alençon, aussi vous asseurai-je que ce m'a esté tres grand plaisir d'entendre par voz lectres et ce que m'en a escript le seigneur de La Bourdaizière l'honneste devoir et demonstration que vous y avez faict, dont j'ay bien voullu par ceste lectre vous advertir et asseurer que cela me tiendra de tant plus affectionnée au bien, faveur et conten­tement de vous et de vostre Ville en toutes les occa­sions qui s'en presenteront, comme j'espere que les
effectz de l'advenir le vous feront tousjours tant myeulx congnoistre; priant Dieu, Mess™, vous avoir en sa saincte garde. Escript à Mollins, le xxixe jour de Janvier vc lxv'1'."
Signé : CATERINE. Et au dessoubz : de L'Aubespine.
Et au dos est escript: A Mess" les Prevost des Mar­chans et Eschevins de la ville de Paris.
Receues le nu0 jour de Fevrier mil vc Ixv.
DCCXLVI. — Arrest de la Court contre les vinaigriers.
25 février i566. (H 1786, fol. 36i r°.)
Extraict des registres de la Court de Parlement.
"Veue par la Court la requeste presentée par Ies Prevost des Marchans et Eschevins de ceste ville de
Paris, par laquelle, actendu que, nonobstant les prohibitions et deffenses de faire cendres gravellées à l'entour de cested. Ville, pour estre cela de mauvais odeur, dangereulx et qui engendre une corruption
C Cette dépêche de la Reine Mère est imprimée, d'après notre Registre, dans le recueil des Lettres de Catherine de Médicis, i. 11, p. 426.
70.